Pesë parti shqiptare në Mal të Zi do të garojnë në një koalicion të përbashkët në zgjedhjet parlamentare të 30 gushtit 2020.
Të martën, liderët e Alternativës Shqiptare, Forcës së Re Demokratike, Lidhjes Demokratike Shqiptare, Unionit të Tuzit dhe Lëvizjes Qytetare Perspektiva nënshkruan një marrëveshje për të kandiduar në zgjedhje me një listë të përbashkët të kandidatëve.
Një nga nënshkruesit deklaroi se qëllimi është të maksimizohet vota e shqiptarëve në zgjedhjet e ardhshme.
Rreth 5 përqind e popullsisë së Malit të Zi janë shqiptarë. Në zgjedhjet e fundit të 2016-ës, vetëm një deputet shqiptar, genci Nimanbegu, mundi të merrte mandat në kuvendin e Malit të Zi me 81 vende.
