Partia Demokratike akuzoi qeverinë se mendon për oligarkët dhe kur ekonomia është në rënie.
Përmes një postimi në Facebook, Jorida Tabaku shkruan se qeveria dështoi të menaxhonte krizën ekonomike duke sjellë rënie me 1 miliardë euro të GDP-së.
“Rama mendon për oligarkët edhe kur ekonomia shqiptare humbet 1 mld euro! Rama dështoi në menaxhimin e dy krizave të mëdha të këtij viti. Rezultati është 1 mld euro rënie në GDP-në e vendit dhe një krizë e madhe në ekonominë dhe rritje të papunësisë.”
Tabaku shkruan se raporti i INSTAT tregoi një rënie me 3.3 përqind të produktit të brendshëm bruto.
Ajo shtoi se ekonomia do të bjerë në nivelet e vitit 2005, duke theksuar se pavarësisht kësaj, qeveria ka programuar 120 milionë euro PPP.
Tabaku premtoi se Partia Demokratike do të sjellë ndryshim.
