Partia Demokratike ka akuzuar të dielën qeverinë, duke thënë se rruga që është çarë në Borsh vjen si pasojë e korrupsionit të qeverisë.
Në një deklaratë për mediat, Përfaqësuesja e PD Nada Meçorapaj teksa ndodhej tek rruga e dëmtuar si pasojë e shirave, tha se banorët janë të shqetësuar për mungesën e mirëmbajtjes së rrugës.
Ajo u shpreh se qeveria i ka dhënë kompanisë Salillari 14 milionë euro për mirëmbajtjen e kësaj rrugë, por ndërkohë që rruga ka pasur një dëmtim, aty ndodhet vetëm një punëtor për ta rregulluar atë.
Meçorapaj deklaroi:
“Pak reshje shiu dhe vjedhja e qytetarëve del në sipërfaqe, duke nxjerrë gjendjen e rëndë të keqqeverisjes, abuzimit, vjedhjes, korrupsionit. Asgjë e mirë nuk mund të ndodhë me Edi Ramën në krye të qeverisë. Kemi edhe 105 ditë për të bërë ndryshimin.”
