Partia Demokratike denoncoi të hënën, abuzimet që drejtori i Transportit Rrugor Blendi Gonxhe ka bërë me paratë publike, madje edhe gjatë pandemisë së koronavirusit.
Përmes një deklarate për shtyp, PD deklaroi se në një vit e gjysëm në detyrën e Drejtorit të Transportit Rrugor, Blendi Gonxhja ka tenderuar rreth 8 milion euro, pjesën më të madhe të të cilave vetëm për fasada dhe rikonstruksione zyrash.
Sipas opozitës, Blendi Gonxhe nuk i ka ndalur tenderat e fasadave dhe luksit as në kulmin e pandemisë:
“Kur qytetarët ishin të mbyllur në shtëpi, kur bizneset u mbyllën dhe mijëra njerez humbën punën, Blendi Gonxhe ka zhvilluar 8 tendera për fasadat e godinave dhe riskintruksione zyrash, me vlerë 1,7 milionë euro.”
PD i kërkoi prokurorisë që të nisë sa më parë hetimet për të zbuluar abuzimet dhe shkeljet e ligjit.
