Partia Demokratike akuzoi, të dielën, kryeministrin Rama se ka punësuar 500 persona tek Illyrian Giard.
PD ka publikuar fakte për “Illyrian Guard” sipas të cilave, ‘Policia politike dhe e korruptuar e Edi Ramës punësoi mbi 500 persona dhe u pagua mbi 4 milionë euro në vit’.
Sipas PD-së, Illyrian Guard në një vit ka përfituar $4 milionë nga buxheti i shtetit.
Kompania shtetërore ka 500 punonjës sigurie dhe 72 punonjës administrate.
Me krijimin e Illyrian Guard, qeveria Rama ka shtetëzuar në mënyrë de fakto pjesën më të madhe të sektorit të sigurisë fizike, duke e kthyer atë nga një oligopol privat në një monopol shtetëror.
Institucioneve shtetërore u kërkohet me detyrim që shërbimet e tyre të sigurisë t’i jepen Illyrian Guard.
