Partia Demokratike deklaroi se humbja e jetës së fëmijës 10 vjeçar në Kakavijë është pasojë e papërgjegjshmërisë së qeverisë.
Në një deklaratë zyrtare, PD pohoi se qeveria ka braktisur qytetarët duke lënë krijimin e rradhëve të gjata dhe në mungesë të informacionit.
“Kjo ngjarje e rëndë është një tjetër alarm tragjik për braktisjen e qytetarëve nga qeveria. Është e pafalshme që qeveria lejoi krijimin e radhëve të gjata, dhe nuk informoi qytetarët në kohë.
Është në përgjegjësinë e qeverisë që Shqipëria u shndërrua në zonë të kuqe COVID, pasojë e të cilës është edhe kjo krizë humanitare në kufi.”
PD pohoi se zgjidhja e kësaj krize “kërkon angazhimin në nivelet më të larta të qeverisë dhe komunikim të vazhdueshëm me qytetarët shqiptarë.”
