
Partia Demokratike ka udhëzuar të gjithë kryetarët e degëve nëpër qarqe që të identifikojnë drejtorët dhe nëpunësit socialistë që bëjnë presione dhe shantazhe për vota.
Përmes një letre dërguar kryetarëve, Sekretari i Përgjithshëm i PD-së, Gazment Bardhi i kërkon kryetarëve dhe që të sigurojnë të gjithë punonjësit e administrates që shantazhet e drejtorëve socialistë për ti shkarkuar nga puna nëse nuk angazhohen në fushatë për PS-në, nuk do të njihen nga qeveria e re e PD-së.
Letra e Bardhit vjen pak orë pasi ish deputeti demokrat Luan Baçi bëri publik një formular, që sipas tij, po i shpërndahet punonjësve të Bashkisë së Fierit me urdhër të kryeministrit Rama dhe kryebashkiakut Subashi. Çdo i punësuar duhet të plotësojë në formular të paktën 20 votues nga familja dhe rrethi i tyre shoqëror që do të votojnë për Partinë Socialiste.
Ndërsa çdo drejtues i drejtorive të Bashkisë Fier, sipas Baçit, duhet të sigurojë 30 votues për PS-në.