Porto Romano dërgon gas në Siri, thyen embargon e SHBA dhe BE

Nga Exit Staff
Porto Romano dërgon gas në Siri, thyen embargon e SHBA dhe BE

Cisterna gazi nafte të lëngshëm (LPG) janë vërejtur duke u transportuar nga Porti i Porto Romanos në Shqipëri dhe Porti Baniyas në Siri. Aktualisht ekzistojnë një sërë sanksionesh, nga BE dhe SHBA, që ndalojnë furnizimin e Sirisë me karburant dhe produkte të tjera të energjisë.

Një prej anijeve që ka udhëtuar në mënyrë të përsëritur midis dy destinacioneve është marrë me qira nga kompania shqiptare “AV International Group”, në pronësi të pronarit të Porto Romano, Pirro Bare.

Historia fillon me një cisternë LPG të quajtur “Melody” (IMO 8800298). Kjo anije është parë më 13 dhjetor në Porto Romano dhe tani është në brigjet e Qipros, me destinacion Sirinë. Anija ka një kapacitet prej 3946 metra kub LPG dhe furnizohet me karburant në Shqipëri përpara se të nisej për në portin e Baniyas.

Por ajo nuk quhej gjithmonë “Melody”. Në vitin 2015, ajo quhej “Blue Way” dhe kishte sanksione të vëna ndaj saj nga Departamenti i Thesarit i SHBA. Anija ishte në pronësi të një kompanie turke të quajtur “Milenyum Energy S.A”.  Sanksione u vendosën gjithashtu ndaj disa shtetasve turq të lidhur me kompaninë, e cila njihet gjithashtu si “Milenyum Denizcilik Gemi”.

Arsyeja e dhënë për sanksionet ishte se ata ishin përgjegjës për sigurimin e produkteve të energjisë për regjimin e Asadit, për të vazhduar nxitjen e luftës në Siri. Aty vihet në dukje se kompania mund të ketë qenë një kompani guaskë që regjimi po përdorte për të shmangur me qëllim sanksionet e SHBA dhe BE.

Departamenti i Thesarit shkruan:

Në vitet e fundit, “Milenyum” u është përgjigjur nevojave për energji së regjimit sirian duke planifikuar rregullisht dërgimin e produkteve të tilla si gaz nafte i lëngshëm (LPG) dhe benzinë në portin e Baniyas të kontrolluar nga Qeveria siriane, për SYTROL ose subjekte të tjera të qeverisë Siriane. “.

Por, pavarësisht sanksioneve të vendosura mbi të, anija vazhdon të punojë me emrin e saj të ri, “Melody”, midis Porto Romanos dhe Baniyas. Imazhet satelitore e tregojnë anijen si në Porto Romano ashtu edhe pranë bregut të Baniyas gjatë këtij muaji. Ky informacion u zbulua përmes një hetimi nga Noam Raydan i cili kishte ndjekur cisternën për disa muaj.

Tani është në pronësi të asaj që duket të jetë një kompani guaskë e quajtur “NFS Shipping Inc”, një kompani e regjistruar në Saint Kitts dhe Nevis. Emri i saj është ndryshuar tre herë që nga viti 2015 dhe flamuri gjithashtu midis Mongolisë, Tanzanisë dhe Komores – të gjitha shtete mashtruese për flamuj detarë.

U zbulua gjithashtu se cisterna çaktivizoi transmetuesin e saj AIS në brigjet e Qipros, një shenjë që nuk donte që destinacioni i saj në Siri të bëhej i ditur. Ky veprim i njohur si “going dark“, nuk është vetëm një flamur i kuq por konsiderohet si shkelje e kërkesave të Shtetit të Flamurit dhe SOLAS. Në këtë rast konkret, anija ishte nisur nga Porto Romano më 16 nëntor.

Por “Melody” nuk është cisterna e vetme që udhëton midis Shqipërisë dhe Sirisë. “Jaguar S” (IMO 9175169) është parë gjithashtu nga Raydan duke udhëtuar midis Porto Romanos dhe Banyias. Sipas TankerTrackers.com, ajo mori karburantin në Porto Romano në 15 maj dhe mbërriti në Siri një muaj më vonë. Përsëri, anija duket se ka çaktivizuar sistemin e saj AIS përpara ankorimit në Turqi.

Në prill të vitit 2019, “Jaguar S” u mor me qira nga një kompani në pronësi të Pirro Bare, pronarit portit të Porto Romanos. Sipas një liste ndalimi të botuar nga Memorandumi i Mirëkuptimit në Paris, “Jaguar S’ ishte ishte marrë me qira nga “AV International Group SH.A”, me bazë në Porto Romano dhe në pronësi të Bares. Kompania ishte e njohur më parë si “A&V-Gas Sh.a” e cila ishte një tregtues i LPG-së.

“Jaguar S”, aktualisht mbahet nga “Jaguar Shipping Ltd” dhe menaxheri është një kompani e quajtur “Dry Denizcilik Ve Gemi Islet”. Exit nuk mund të konfirmonte nëse ishin vërtet të njëjtët pronarë me atë të “Milenyum Denizcilik Gemi”.

Për ta përmbledhur, duket se ka anije që udhëtojnë midis Portit të Porto Romanos të Shqipërisë dhe Portit Banyias të Sirisë. Ato janë cisterna LPG-je në pronësi të një rrjeti ndërmarrjesh dhe të regjistruara me flamurë shtetesh të tjerë për t’ju shmangur kontrolleve. Për më tepër, të paktën njërit prej tyre i janë vendosur sanksione amerikane për furnizimin e regjimit të Asadit me energji. Një prej anijeve, “Jaguar S”, në pronësi të një kompanie me një emër të ngjashëm me entitetin e sanksionuar që zotëronte “Melody”, është marrë me qira nga një kompani shqiptare, në pronësi të Pirro Bare i cili gjithashtu zotëron portin Porto Romano.

8 komente

  1. Fatbardh Kallicit 31 Dhjetor, 2020 në 11:31 pm

    Mashtrus komplet te gjitha sherbimet i ben vete lidhje zgjidhje spedicion Agjensi Detare qe nuk duhet ti boj keto sherbime se ka bere monopol. I lutem kryeministrtim Rama qe te punoj. Edhe Durrsaket . Piro bare i ben cdo sherbim per vete edhe agjentin detar e ben me agjensine e vet. Av gaz. Ju lutem shtetit tja heqi kto lishenca se na ka lene pa pune.gezuar 2020 une jam nje qytetar qe kam nje lishence lidhje zgjidhje po zoti pirro i ben vet te gjitha .

  2. Dashi Durres 31 Dhjetor, 2020 në 11:49 pm

    Faleminderit gazetes Tuaj qe po e shqyrton kete ceshtje.
    1- ju lutem shtetet te mari masa ndaj ketij personi te rrezikshem per shoqerine Durrsake qe i ka hequr punen baze te durresit sherbimet Portuale. Ky zoteria ne fjale i ben te gjitha vet me emra te tjere perdor te gjitha manovrat qe cdo sherbim ta beje vete.
    2- ti rishikohet cdo detaj se ka ne kontrate per agjensite detare atij nuk duhet ti lejohen te operoj ne agjensine e vet se nuk e lejon edhe lidhi detar. Ai na ka hequr punen. Edhe kete e ben se ben pislliqe me portin qe ka ne koncesion.
    .
    Ju lutem percojeni kete mesazh me lart te organet perkatese se na ka hequr punen. Mua si kapiten me status, edhe shume agjensive tjera duke i krijuar vonesa me praktikat si e si qe ti prishte pune durrsakeve. Ju lutem shteti te mari masa qe te punoj te gjithe jo vetem pirro Abuzuesi. Kapiteneria sduhet ta lejoj qe ky te operoj me anije fantazma edhe ti heqi punen durrsakeve.
    Faleminderit per mirkuptimi
    Ju lutem publikojeni te kryeministri ket pjese.

  3. Ceni 1 Janar, 2021 në 12:00 am

    Gezuar 2021!
    Faleminderit portalit tuaj qe na doli nje ze per ne operatoret Portual.
    I lutemi kryeministrit Rama qe te meret pak me ligjet detare se ky zoteria zoteron gjith kto pasuri . Dhe ne operator na trajton leq edhe i ka mare te gjitha sherbimet vete. Pirro bare ka port te hapur sipas ligjeve detare nderkombtare.
    Une si ca ben ai po normal qe ben te gjitha pislliqet e mundeshme se skam mundesi qe ai te bej gjithcka cdo sherbim me kompanine e vet. Kompania e Pirros eshte import Gazi . Ai ben agjentin ben omerzhimin e anijeve ben akostimin e anijeve. Jan shume sherbime qe ja ka hequr subjekteve Durrsake ne kete menyre ushqehet vetem Pirro. Shteti duhet te mari masa jo ti coj cdo sherbim ne doren e nje Abuzuesi. Ne sdim ku te drjejtohemi te ankohemi si Agjent spedicioner edhe detar se kemi frike skemi mbrojtje.
    I lutem ministrit te ri te Rendit tja heqi te gjitha te drejtat per te kryer keto sherbime.
    Faleminderit per impenjimin tuaj si faqe.
    Me rrespekt Perfaqsuesi autoritet portual Durres detar tokesor durres

  4. Klodi 1 Janar, 2021 në 12:16 am

    Gezuar 2021!
    Bravo per koleget qe ngrejne shqetesimin e vertete qe po kalojm me kto koncesionet e porteve, i lutemi qeveresi qe ato te marin sherbimet qe kan ne kontrate ne koncesion jo te bejn edhe agjentin detar edhe spedicionin se sipas ligjit detar as Enver Hoxha nuk e ka ndaluar te Punohet. Ne kerkojm ndryshumin e menyres qe po na trajtojn se leket shkojn te gjitha ne xhepat e Pirro Bares. Ju lutem te kemi edhe ne drejtat tona se edhe ne familje do mbajme sdo mbushim xhepat e Pirro Bares qe eshte komplet Abuziv qe nga menyra se si procedon. Qe do ta mbylli ciklin brenda vetes se do te mcefi pislliqet e veta. Edhe me siguro me Andi Laren kryedoganierin hajdut qe i bojn kto lojra qe favorizojn pislliqet e Pirro bares.
    Kaq kam i them kto fjale per Durrsaket e mi qe ndien te perulur nga kto injorant qe i rrethojn.
    Te gjitha te mirat edhe Gezuar 2021

  5. Gzimi 1 Janar, 2021 në 12:41 am

    Faleminderit Gazetes tuaj per te drejten te shprehim te drejtat tona.
    Faleminderit durrsakeve qe u ngriten njehere i them Kryeministrit Rama qe e kam votuar edhe do ta votoj prap. Ta mari seriozisht ket ceshtje.
    Pirro ben pislliqe eshte e padiskutueshme, po jo te na heqi punen duke perdorur metoda jo te drejta per operatoret portual.
    Jo ky njeri ti bej te gjitha nga 1 te 10 jo nuk eshte e drejte. Ju lutem qe te na japi edhe ne mundesi te perfaqsohemi me lishencat qe kemi. Qe po paguajm taksa vetem se punen e bon Pirro edhe i mer te gjitha sherbimet. Kontrollojani faturen e sherbimit me tvsh 0- per cdo anije edhe do ta shifni qe faturon edhe lidhjen qe normalissht shteti ja ka dhen kompanive qe jan te licensura. Po ai i ben vete pa asnje lloj lishence per faktin se nuk te len te hysh ne portin qe ka ne koncesion. Normalisht porti duhet te jete i hapur per autoritetet.
    Mjaf Abuzimit mjaft Abuzimit.
    Ju lutem Kryeminsitri Rama meruni me pjesen e Durrsakeve te jene te perfaqsuar nga shteti te bej detyren tone jo te shkojn te gjitha sherbimet ne nje Kuti’te kutia Pirro Bares.
    Na i hapni rruget ne si agjent spedicioner . Te tjere si Piloti ose omerzhimit qe ben lidhjen e anijeve. Te jemi te gjithe te perfaqsuar.
    Ktu eshte cdo gje monopol. Rrimorkjatoret monopol Pirro MONOPOL. Kaq kisha me rrespekte GZIMI.

  6. dosta 8 Janar, 2021 në 11:21 am

    Bravo Exit qe kap disa gjera qe nuk ka goje t’i permende njeri. Ndjej disa qindra milione euro te shqiptareve te ikin ne ndonje gjykate nderkombetare vitin tjeter per kete ceshtje.

Adresa juaj e emailit nuk do bëhet publike.

Lajme te ngjashme