Presidenti francez Emanuel Macron do të vizitojë Libanin, ditën e enjte, për t’i ofruar ndihmën e Evropës pas shpërthimit të tmerrshëm, që vra mbi 100 persona dhe plagosi mbi 3000 të tjerë.
Presidenti do të takohet me presidentin dhe kryeministrin libanez, njofton zyra e Presidencës.
Të mërkurën, Franca nisi 25 ton materiale mjekësore dhe ndihmë humanitare në Liban.
Ndërsa ministrat francez po takohen sot mbasdite për të koordinuar ndihmën ndaj Libanit.
Edhe vendet e tjera të BE-së si Italia, Greqia, Çekia, dhe Komisioni Evropian po dërgojnë ndihma në Liban.
Të martë, një shpërthim i fuqishëm në zonën e portit në Beirut shkaktoi mbi 100 të vdekur, 3000 të plagosur dhe la rreth 300 000 persona të pastrehë.
Shpërthimi u shkaktua nga shpërthimi aksidental i një sasie nitrati të ruajtur në një nga magazinat e portit.
