Presidenti slloven kundër ndryshimit të kufijve në Ballkan

Nga Die Morina van Uijtregt
Presidenti slloven kundër ndryshimit të kufijve në Ballkan

Presidenti slloven Borut Pahor nuk mbështeti idenë e ndryshimeve të kufijve në Ballkanin Perëndimor, siç sugjerohet në një dokument jo zyrtar të botuar nga media sllovene, muajin e kaluar.

“Unë nuk jam dakord me ndryshimet e kufijve. Qëndrimi im për këtë çështje është krejtësisht i kundërt. Unë dua të bind bashkëbiseduesit në Samitin e Brdo për të vazhduar procesin e zgjerimit dhe reformave”, u shpreh Pahor në një konferencë të përbashkët për shtyp me Presidenten e Kosovës, Vjosa Osmani, të enjten në Prishtinë.

Media sllovene pretendoi se dokumenti për ri-vizatimin e kufijve politikë në Ballkan sipas etnisë, ishte një ide e Kryeministrit të Sllovenisë, Janez Jansa.

Ndërsa, Osmani u shpreh se kufijtë e Kosovës dhe qeverisja e saj e brendshëm u vendosën “njëherë e përgjithmonë” kur Kosova shpalli pavarësinë në 2008.

Ajo shtoi se gjatë përvojës së saj politike nuk kishte parë kurrë Slloveninë të mbështeste “aventura të tilla” të rrezikshme si ndryshimet e kufijve.

Vizita e Pahor në Kosovë u zhvillua disa ditë përpara takimit të udhëheqësve të Ballkanit Perëndimor Brdo-Brijuni më 17 maj, në Slloveni.

Samiti vjetor synon të mbështesë integrimin evropian dhe stabilizimin e vendeve të Ballkanit Perëndimor duke forcuar dialogun politik, bashkëpunimin rajonal, vendosjen e besimit të ndërsjellë dhe zgjidhjen e çështjeve bilaterale dhe rajonale.

Osmani dhe Pahor biseduan për temat që do të diskutohen në samit, duke theksuar nevojën për përparim në bashkëpunimin rajonal dhe integrimin evropian.

LEXO  Presidenti i Portugalisë vetizolohet për shkak të koronavirusit

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>