Kryeministri Edi Rama deklaroi se 95 për qind e shërbimeve të zyrave të shtetit do të ofrohen online për qytetarët dhe bizneset.
Duke folur në Ministerialin Digjital të Ballkanit Perëndimor, zhvilluar të hënën në Tiranë, Rama përmendi portalin e-Albania, i cili ofron 700 shërbime online nga të cilat përfitojnë 1.35 milionë qytetarët:
“Jam krenar të them që Shqipëria ka investuar shumë dhe me një intesitet të madh për të kapërcyer në një epokë tjetër sa i takon shërbimeve në internet për qytetarët. 95% e shërbimeve të shtetit do të jenë online dhe pa tarifë, çdo qytetar mund t’i përfitojë këto shërbime pa shumë kohë dhe pa shumë para.”
Rama foli dhe për objektivat e mini-Shengenit të Ballkanit në lidhje me digjitalizimin:
“Finalizimi i procesit për të hequr tarifat Roaming duhet të jetë pjesë e objektivit tonë dhe diçka që duhet të punojmë fort.”
