Perimet tani në treg janë në të gjitha ngjyrat e format e mundshme dhe mund të bëjmë pjata shumë të shijshme me to.
Ratatouille është një pjatë e shëndetshme dhe e dashur për fëmijet pasi e identifikojnë me titullin e një filmi vizatimor me të njejtin emër.
Tek ne njihet ndryshe si “turli”.
Sot do t’ju tregoj një menyre estetike të prezantimit të kësaj pjate.
Për 4 persona nevojiten:
- 3 patate mesatare (të reja);
- 3 salçiçe të fresketa;
- 2 speca;
- 3 domate;
- 2 kunguj;
- 4 thelpinj hudhër;
- Trumzë, piper, majdanoz, kripë, vaj ulliri.
Presim në rondele nga 1 cm patatet( i lajme por nuk i’ua heqim cipen), kungujt, domatet, specat dhe salçiçet dhe i marinojmë me kripë
Ndezim furrën në 250 grade.
Nevojitet një enë qelqi pak e larte për renditjen e perimeve si në figurë.
Hidhni dy lugë vaj ulliri në enë dhe fillojmë renditjen Duke filluar nga rrethi i jashtëm.
Unë vendosa salçiçe,patate,kungull,domate dhe e përsërisim veprimin deri sa të mbyllim rrethin.pastaj vazhojmë me qëndrën në të njejtën mënyrë.
Rondelet e perimeve, që të qëndrojnë më mirë i presim pak në pjesen që qëndron poshtë. Presim thelpinjtë e hudhrave në feta dhe vendosim nëpërmjet perimeve.
Mbi të vendosim specat e prerë në rripa dhe i hedhim dy lugë vaj ulliri dhe dy lugë ujë. Pak majdanoz dhe gjethe trumzë përsipër.
E mbulojmë me një letër alumini dhe e fusim në furrë.
Pas 20 min e heqim letren dhe i lemë të marrin një faqe.
JaMystic këshillon: Perimet kanë ujë vetë dhe nqs doni që të piqen në yndyrë mos i hidhni ujë.
