Spitali “Shefqet Ndroqi” ka reaguar për rastin e vetëhedhjes së 65-vjeçarit të shtruar në këtë spital një ditë më parë. Një mjeke e spitalit ka thënë për median se pacienti ka marrë trajtim psikologjik dhe trajtim për “pneumoni të krijuar nga koronavirusi”.
“Jemi këtu dhe po bëjmë këtë punë të jashtëzakonshme për të shpëtuar jetën nga sëmundja e rrezikshme dhe e pabesë që ka prekur gjithë botën. I shprehim ngushëllimet e sinqerta familjes së 65-vjeçarit.
Ai ishte i shtruar me pneumoni si pasojë e Sars Covid 2 dhe po trajtohej nga ne si dhe kishte shqetësime psikologjike Sigurojmë qytetarët se do shërbejmë me përkushtim e sakrificë për të pacientët”, tha mjekja në komunikim për median.
