Kreu i Policisë së Shtetit Ardi Veliu emëroi sot Rebani Jaupin në krye të Drejtorisë së Policisë Tiranë.
Rebani Jaupaj do të zëvendësojë Kastriot Skënderajn, i cili u shkarkua nga detyra pas përplasjeve të policisë me banorët tek Petro Nini dhe Unaza e Madhe.
Që prej 2015-ës Rebani Jaupi ka qenë zëvendësdrejtor i Policisë Shtetit. Ndërsa në janar 2018, ai u komandua në postin e kreut të Policisë së Shtetit kur u largua nga detyra Haki Çako.
Më herët ai ka drejtuar Drejtorinë e Krimit Ekonomik dhe ka mbajtur të tjera funksione në drejtoritë e qarqeve në Durrës, Elbasan dhe Tiranë.
