Cristiano Ronaldo vazhdon të ketë formë mbreslënëse fizike. Mediat në Angli, Itali dhe Spanjë përqendruan këtë javë vëmendjen te dieta, regjimi dhe të dhënat e fundit të portugezit tashmë 34-vjeçar.
Futbollisti i kthyer në një simbol të përkushtimit dhe stërvitjes ka treguar gjithmonë të fizik fantastik qoftë në pamje, po ashtu edhe në performancë. Vitin që shkoi për shembull pas disa testeve Ronaldo rezultoi me të dhënat fizike të një 23-vjeçari.
Shtypi ndërkombëtar ka zbuluar se pas kësaj forme të Ronaldos nuk qëndron vetëm kujdesi te ushqimi dhe ushtrimi fizik, por edhe te pushimi.
Dieta ushqimore
34-vjeçari konsumon 6 vakte në ditë me një dietë kryesisht proteinash dhe karbohidratesh, makarona dhe fileto pule (gjithmonë të gatuara pa vaj dhe kripë). Pija e vetme që portugezi konsumon është uji, të cilin e lë menjëanë vetëm në mëngjes kur konsumon lëng frutash (zakonisht lëng ananasi ose portokalli).
Regjimi i ushtrimeve fizike
Ushtrimet e Ronaldos janë të mirëpërcaktuara. Përveç stërvitjes në grup me skuadrën te Juventusi, sulmuesi ndjek edhe një program personal ushtrimesh: 5 seanca palestre në javë, pilatë dhe not.
Problemi i vetëm është dëshira dhe egoja për të mbajtur veten në formë, gjë që i shtyn shpesh trajnerët personal që të ndërhynë dhe ta ndalin nga ushtrimet.
Pushimi
Përveç dietës ushqimore dhe regjimit fizik, pushimi duket të jetë një tjetër element thelbësor në rezultatet e Ronaldos. Sipas mediave ndërkombëtare, portugezi është strikt në 8 orë gjum dhe gjithmonë mban të njëjtin orar. Shpesh parapëlqen të dremisë pasditeve pas vaktit të tij të katërt.
Të dhënat fizike dhe rezultatet
Edhe pse 34-vjeçar Ronaldo është lojtari më i shpejtë te Juventusi: në ndeshjet kundër Parmës dhe Napolit bëri 92 metra sprint për 12 sekonda me shpejtësi maksimale 34 km/h. Më shpejt se gjithkush tjetër lojtar i bardhezinjve.
Me golin ndaj Leverkusenit – i 128-ti – në Champions League barazoi rekordin e Raulit me 33 skuadra të ndryshme së cilave u ka shënuar, ndërkohë që u bë i pari që realizon për 14 sezone radhazi në Evropë.
Me 4 gola shënuar Lituanisë në shtator Ronaldo u bë golashënuesi historik i Portugalisë (93 realizime) dhe është 16 gola mbrapa rekordit të iranianit Ali Daei (109) si golashënuesi më rezultativ me përfaqësueset.
Mosha është parë gjithmonë si kufiri i çdo lojtari profesionist në futboll, por Ronaldo po synon ta thyejë edhe këtë kufi duke u shprehur shpesh se do të mundohet të luajë edhe për vite të tjera.
Deri më sot portugezi ka luajtur 971 ndeshje zyrtare (klube dhe përfaqësuese) në të cilat ka shënuar 698 gola dhe 219 asiste.
