Reporterët Pa Kufij kanë paditur përfaqësinë e Facebookut në Francë për lejimin e shpërndarjes së gjuhës së urrejtjes dhe informacionit të rremë. Kështu njoftoi organizata botërore e monitorimit të lirisë së medias, në një deklaratë për shtyp, të martën.
Sipas Reuters, RSF u shpreh se padia u regjistrua në zyrën e prokurorit publik në Paris, Francë. RSF akuzon Facebookun se ka lejuar përhapjen e gjuhës së urrejtjes – veçanërisht kundër gazetarëve – dhe informacionit të rremë pavarësisht premtimeve për të siguruar një mjedis të sigurt në internet.
“Duke përdorur analiza ekspertësh, deshmi personale dhe deklarata nga ish-punonjës të Facebookut. Padia e RSF-së tregon se Facebook ka lejuar lulëzimin e keqinformimit dhe gjuhës së urrejtjes në rrjetin e tij në kundërshtim me deklaratat e kryera në termat e përdorimit dhe në reklamata e tij”, shkruhet në deklaratën e organizatës.
Një zëdhënës i Facebookut në France nuk pranoi të komentonte mbi padinë e RSF-së.
RSF u shpreh se nëse gjykata vendos kundër Facebook, atëherë ky vendim do të kishte ndikim edhe në vendet e tjera të cilat po shqyrtojën padi të ngajshme.
Ajo shtoi se padia kishte të bënte me Facebook France dhe Facebook Irland dhe bazohet në ligjin e Francës për të drejtat e konsumatorit, sipas të cilit kompanitë që përdorin praktika tregtare mashtruese mund të dënohen me gjobë deri në 10% të xhiros vjetore.
