23 prokurorë janë emëruar gjatë muajit shtator në seksionet e posaçme kundër krimit të organizuar dhe pastrimit të parave, në prokuroritë e Tiranës, Durrësit, Shkodrës, Elbasanit, Fierit, Vlorës dhe Korçës.
Prokuroria e Përgjithshme sqaroi, të hënën, se këta prokurorë do të angazhohen posaçërisht në hetimet që lidhen me “krimet në fushën e tatimeve, doganave, pastrimin e produkteve të veprës penale, financimin e terrorizmit, dhe sekuestrimin e konfiskimin e aseteve kriminale.”
Këto seksione të posaçme u vendosën të krijoheshin në vitin 2018 nga ish-Prokurorja e Përgjithshme në detyrë Arta Marku dhe ish-Ministri i Brendshëm Xhafaj.
Marku sqaroi, atëherë, se seksionet do të hetonin pasurinë e personave nën hetim dhe apo të dënuar me vendim të prerë.
Por, sikurse kemi argumentuar më parë, ky organizim devijon nga parashikimet kushtetuese për prokurorinë dhe krijon probleme në hetimin e krimit dhe korrupsionit.
Sipas, Kushtetutës funkisonet që duhet të kryejnë këto seksione duhet ta kryejë prokuroria e posaçme kundër krimit dhe korrupsionit, SPAK, dhe Byroja e Hetimit.
Në vitin 2018, SPAK dhe BKH nuk ishin krijuar ended he ngritja e këtyre seksioneve mund të justifikohej, por sot ato janë një strukturë paralele që kërkon të ushtrojë një pjesë të kompetencave që Kushtetuta ja jep SPAK-ut.