Bashkëkryetarja e komisionit për reformën zgjedhore, Rudina Hajdari përshëndeti sot vendimin e PD-së për tu ulur në bisedime me qeverinë për reformën zgjedhore.
SIpas Hajdarit, PD e LSI kanë kuptuar se rruga e duhur për të zgjidhur problemet është rruga institucionale dhe jo ajo e protestave dhe e molotovëve që dëmtojnë Shqipërinë:
“Besoj se pranuan që rruga që do t’i jepte zgjidhje krizës politike është duke ardhur me ide dhe plane konkrete, të cilat i diskutuam sot. Zgjodhëm rrugën e duhur, atë të institucioneve.”
Rudina Hajdari ishte një prej katër anëtarëve në takimin mes opozitës dhe qeverisë për tu ulur në bisedime për reformën zgjedhore. Ajo nuk e firmosi marrëveshjen PD-PS, por shprehu dakordësinë parimisht.
