Senati amerikan merr masa kundër Turqisë

Senati amerikan merr masa kundër Turqisë

Senati i Shteteve të Bashkua të Amerikës ka ndaluar shitjen e avionëve amerikanë luftarak ndaj Turqisë për aq kohë sa Turqia do të vazhdojë të blejë raketa S-400 nga Rusia. Ky ligj nuk mund të mos zbatohet vetëm nëse Presidenti Trump vendos të certifikojë Turqinë si një vend i sigurtë për NATO-n.

Turqia aktualisht ka në plan të blejë rreth 100 avionë të prodhuar nga kompania amerikane Lockheed Martin Corp.

Zyrtarë të NATO-s në mënyrë të vazhdueshme kanë lajmëruar Turqinë se sistemi i raketave ruse S-400, të cilin Turqia ka rënë dakord ta blej më 2016, nuk janë të përshtatshme me politikat e mbrojtjes së NATO-s. Por Turqia nuk i ka përfillur këto shqetësime dhe ka vazhduar zbatimin e marrëveshjes me Rusinë.

Vendimi i Senatit amerikan erdhi pas shqetësimeve të vazhdueshme të senatorëve për arrestimin e qytetarëve amerikanë dhe stafit të konsullatës amerikane në Turqi, të akuzuar si pjesë e grushtit të shtetit të ndodhur në Turqi në korrik 2016, si dhe për lidhjet e forta të vendosura ndërmjet Turqisë dhe Rusisë gjatë qeverisjes së Erdoganit.

Gjithashtu ligji ndalon zbatimin e marrëveshjes ndërmjet Presidentit amerikan Donald Trump dhe kompanisë së telekomunikacionit ZTE. Tani kompania ZTE nuk duhet të ketë më veprimtari tregtare, as të blejë dhe as të shesë, me asnjë kompani amerikane të telekomunikacionit.

Ky vendim i senatit amerikan vjen pasi kjo kompani i shiti Iranit dhe Koresë së Veriut pajisje të rëndësishme telekomunikacioni, pavarësisht sanksioneve të vendosura nga SHBA-të për këto dy vende.

Për këtë veprim kompania ZTE u gjobit me 1 miliardë dollarë dhe njësoj si kompania Huawei u ndalua të ketë aktivitete tregtare në Amerikë. Por një marrëveshje ndërmjet Presidentit Trump dhe ZTE i dha mundësi kësaj të fundit të blejë paisje nga kompanitë amerikane duke vazhduar të qendrojë në treg.

Dy masat e marra ndaj ZTE dhe Turqisë janë pjesë e Aktit të Autorizimit Kombëtar të Mbrojtjes, sipas të cilit qeveria amerikane do të  shpenzojë mbi 700 miliardë dollarë për financimin e programit ushtarak dhe të armëve.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>