Shefja e Infektivit në QSUT, doktoreshë Najada Çomo i ka bërë thirrje të gjithë qytetarëve që të tegohen të kujdesshëm pasi numri i të infektuarve në vend po rritet çdo ditë e më tepër.
Përmes një video-mesazhi, Çomo tha se një pjesë e mirë e pacientëve të shtruar në spital kanë nevojë për terapi intensive dhe kjo është një situatë shqetësuese.
Ajo i kujtoi qytetarëve se kanë një detyrim madhor për të mirën e të gjithëve, t’i qëndrojnë larg të sëmurëve dhe të evitojnë vendet publike që grumbullojnë shumë njerëz.
“Ulni në maksimum qëndrimin në vende publike, si dhe maska është e vemtja armë mbrojtësi që kemi. Virusi është mes jush, ju bëni hapin për t’u mbrojtur. Virusi nuk ka më përzgjedhje, jo vetëm mosha të treta. Janë të rinjtë që e çojnë tek të tjerët. Kini në vëmendje se ky virus është shumë tepër mes jush tani që u hoqën dhe barrierat, pra vendi është i hapur,” mbylli mesazhin doktoresha Najada Çomo.
