Grupimi Tifozat Kuq e Zi (TKZ) i kërkuan qeverisë të hapë stadiumet për publikun.
“Duke marrë parasysh që Kombëtarja jonë është pranë një cikli kualifikues mjaft të rëndësishëm, gjithashtu duke pasur parasysh fillimin e vaksinimit kundër COVID-19, Tifozat Kuq e Zi (TKZ) kërkojnë nga Qeveria Shqiptare të bëjë të mundur lejimin e pjesëmarrjes së tifozëve në ngjarje sportive”, shkruajnë në një postim në Facebook, ‘Tifozat Kuq e Zi’ .
Ata ju referuan shembullit të vendeve të tjera, të cilat i kanë hapur stadiumet edhe pse kanë numra të lartë të larta infektimi:
“Jemi të vetëdijshëm për situatën me pandeminë, por po ashtu jemi dëshmitarë të shumë vendeve me statistika më të zeza me COVID-19, që kanë lejuar pjesëmarrjen e tifozëve në masën 30% (UEFA) të kapacitetit të stadiumit”.
