Vaksina J&J shumë efektive ndaj variantit Delta të koronavirusit

Vaksina J&J shumë efektive ndaj variantit Delta të koronavirusit

Sipas të dhënave të kompanisë Johnson& Johnson, vaksina e prodhur prej tyre ka ngjallur reagime më të fuqishme imunitare ndaj variantit Delta të koronavirusit, sesa ndaj variantit Beta që është më pak i trasmetueshëm.

“Ne besojmë se vaksina jonë ofron mbrojtje të qëndrueshme kundër COVID-19 dhe shkakton aktivitet neutralizues ndaj variantit Delta,” citohet nga Reuters shefi i Shkencave pranë Johnson & Johnson, Paul Stoffels.

Por, ndërkohë, ekspertët e sëmundjes besojnë se vaksina e J & J mund të kërkojë një dozë përforcuese,  Pfizer ose Moderna, për të qenë më efektive kundër variantit Delta.

Një pretendim i tillë hidhet poshtë nga zyrtarët e shëndetit publik amerikan, që mendojnë se nuk ka të dhëna klinike për të mbështetur hipotezën.

Organizata Botërore e Shëndetësisë ka deklaruar se Delta do të bëhet së shpejti varianti mbizotërues global i COVID-19. Studimet në Evropë kanë treguar se një gjë e tillë do të ndodh në fund të muajit gusht.

Kjo ka ngritur shqetësime mbi efektin e vaksinave ekzistuese ndaj variantit më ngjitës që ka prodhuar virusi deri tani.
Por, të dhënat paraprake sugjerojnë se vaksinat Pfizer/BioNTech, AstraZeneca dhe Moderna ofrojnë mbrojtje ndaj variantit Delta, por me një përqendrim më të ulët të antitrupave që prodhohen.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>