Vaksina ruse CoviVac ofron mbi 80% mbrojtje për personat e infektuar nga Covid-19, sipas testimeve paraprake të zhvilluara nga Qendra Chumakov e Akademisë Ruse të Shkencave.
“Efektiviteti i vaksinës është mbi 80%, faza përfundimtare e testimit nuk ka përfunduar ende,” deklaroi Qendra për agjensinë ruse Interfax.
Faza e tretë e provave klinike të vaksinës KoviVac pritet të fillojë në qershor dhe do të vazhdojë për një vit, duke u testuar në një sërë kategorish si personat me sëmundje imunitare apo personat mbi 60 vjeç.
Vaksina CoviVac është vaksina e tretë ruse kundër koronavirusit.
Ajo përmban një virus të plotë, por të vrarë Sars-Cov-2, dhe jo pjesë të tij sikundër vaksinat e tjera.
CoviVac administrohet gjithashtu në dy doza në distancë kohore prej disa javësh.
Vaksina është regjistruar më 20 shkurt dhe do t’i shtohet fushatave të vaksinimit masiv.
