Ambasadorja amerikane Yuri Kim i ka bërë thirrje, të enjten, institucioneve shqiptare që të bëjnë sa më parë funksionale Gjykatën Kushtetuese.
Pas takimit me kryebashkiaken e Shkodrës Voltana Ademi, Kim tha se ‘Gjykata Kushtetuese duhet të ngrihet brenda vitit 2020.’
Kim tha se është një situatë e pazakontë që Shqipëria të jetë pa Gjykatë Kushtetuese.
Ajo theksoi se SHBA-të po ngulmojnë me forcë ndaj klasës politike që të ecin përpara me plotësimin e vendeve vakante të nevojshme për funksionimin e gjykatës.
