Instituti Kombëtar i Shëndetësisë Publike njoftoi të enjten se kanë vdekur pesë persona, të cilët kishin qenë të infektuar me koronavirus.
Rastet e vdekjeve raportohen të jenë nga komunat: Gjilan 1 rast (73 vjeç), Mitrovicë 1 rast (67 vjeç), Pejë 1 rast (69 vjeç), Prizren 1 rast (56 vjeç) dhe Skenderaj 1 rast (71 vjeç).
Pas testimit të 4 291 mostrave në laboratorët shtetërorë dhe privatë, janë regjistruar edhe 704 raste të reja me koronavirus.
Sipas raportit ditor të IKSHPK-së, janë shëruar 342 persona.
Që fillimit të pandemisë, Kosova ka regjistruar në total 79 793 raste me COVID-19, prej të cilave, 1 736 raste kanë përfunduar me fatalitet dhe 66 321 persona janë shëruar.
Aktualisht në Kosovë gjenden 11 736 raste aktive.
