Instituti Kombëtar i Shëndetësisë Publike njoftoi të dielën se kanë vdekur tetë persona, të cilët kishin qenë të infektuar me koronavirus.
Rastet e vdekjeve raportohen të jenë nga komunat:Gjilan 2 raste (74, 60 vjeç), Prishtinë 2 raste (89, 76 vjeç), Kaçanik 1 rast (76 vjeç), Podujevë 1 rast (70 vjeç), Rahovec 1 rast (62 vjeç), Skenderaj 1 rast (64 vjeç).
Pas testimit të 4 388 mostrave në laboratorët shtetërorë dhe privatë, janë regjistruar edhe 709 raste të reja me koronavirus.
Sipas raportit ditor të IKSHPK-së, sëmundjen COVID-19 e kanë mposhtur edhe 385 persona.
Që fillimit të pandemisë, Kosova ka regjistruar në total 79 089 raste me COVID-19, prej të cilave, 1 731 raste kanë përfunduar me fatalitet dhe 65 979 persona janë shëruar.
Aktualisht në Kosovë gjenden 11 379 raste aktive.
