88 përqind e tenderave të kryera nga bashkitë e vendit kanë rezultuar të hartuara sipas firmave fituese, pas vlerësimit nga Agjensia e Prokurimeve Publike. Pas kritikave të APP-së, 55% e bashkive nuk kanë reflektuar shkeljet.
Të dhënat i njoftoi Kryeministri Edi Rama në një konferencë për shtyp me kryebashkiakët, të premten. Ai i paralajmëroi ata se do të hetihen nga SPAK nëse nuk adresojnë problemet me tenderat.
Rama kërkoi rritjen e konkurencës, pjesmarrjen e firmave, dhe planifikim në kohë që të shmanget procedura me negocim pa shpallje paraprake;
“Çdo përdorim i kësaj teknike do të konsiderohet i paligjshëm dhe do t’i dërgohet SPAK. Të shmanget hartimi i kritereve sipas kompanive të paracaktuara”.
