Kryeministri Edi Rama ka deklaruar të shtunën, se shteti shqiptar nuk ka bërë asnjë marrëveshje për detin me Greqinë, gjatë kësaj kohe.
Rama i quajti kërkesat e opozitës për të bërë transparencë për marrëveshjen, si ‘qesharake dhe të poshtër’sepse ‘marrëveshja nuk ekziston’.
Duke folur nga Shijaku, Rama u shpreh:
‘Duhet të kuptojnë të gjithë se s’ka marrëveshje, nuk është arritur, negociatat janë ndërprerë qysh kur u ndryshua qeveria në Greqi. Dhe vetë grupi negociator duhet të riformatohet, dhe ky riformatim kalon përmes Presidentit, që duhet të aprovojë. Të thuash sot bëj transparencë për diçka që nuk ekziston është qesharake dhe e poshtër.’
Një ditë më parë, kryeministri Rama replikoi me kreun e opozitës, Lulzim Basha, pasi ky i fundit i kërkoi Ramës transparencë në lidhje me marrëveshjen e detit me Greqinë.
