Policia e Tiranës arrestoi, të martën, një 18 vjeçar A.K., dhe shpalli në kërkim kushuririn e tij, pasi akuzohen se shantazhonin një vajzë me foto dhe video personale të sajat.
Vajza e shantazhuar ishte e dashur e 18 vjeçarit. Ky i fundit i kishte kërkuar asaj para që të mos i publikonte fotot dhe videot e saj personale në internet.
Pas denoncimit në polici, vajza i ka kërkuar takim 18-vjeçarit për t’i dhënë paratë. Gjatë takimit, policia e ka arrestuar atë.
Tani mbi të dhe kushuririn e tij, shpallur në kërkim, rëndon akuza e shtrëngim me anë të kanosjes dhe dhunës për dhënie pasurie, kryer në bashkëpunim.
