Papa Françesku mund të ketë pasur kontakt me një person të infektuar me Covid-19, pasi një diplomat i Vatikanit rezultoi i infektuar, njoftoi media australiane, të premten.
Kryepeshkopi Adolfo Tito Yllana, ambasadori i Selisë së Shenjtë në Australi, pati një takim ballë për ballë me Papën në Vatikan në 6 Tetor, më pak se dy javë para se të dilte pozitiv ndaj Covid-19 në Australi, njoftoi Nine News.
Autoritetet Australiane thonë se një diplomat i cili fluturoi në Sidnei më 9 tetor kishte rezultuar pozitiv me koronavirus. Ata nuk e zbuluan identitetin e diplomatit.
Diplomati doli pozitiv 10 ditë pasi hyri në karantinën, tha Departamenti i Shëndetit i Territorit të Kryeqytetit Australian në një deklaratë.
