Kryeministri i ri i Italisë Mario Draghi, është zotuar të përshpejtojë programin e vaksinimit të koronavirusit të vendit.
Të mërkurën ai paraqiti prioritetet e qeverisë së tij.
Në fjalimin e tij Draghi, i cili u betua në zyrë të shtunën, tha se detyra e parë e qeverisë ishte të “luftonte pandeminë me të gjitha mjetet dhe të mbronte jetën e qytetarëve”.
Premtimi i tij erdhi pasi Italia regjistroi 336 vdekje të tjera të martën, duke e çuar gjithsej në 94 171,më e larta në Evropë pas Mbretërisë së Bashkuar.
“Virusi është armiku i të gjithëve”, tha Draghi.
Draghi ish-shefi i Bankës Qendrore Evropiane, tha se qeveria duhet të lëvizë shpejt për të marrë dhe shpërndarë vaksinën Covid-19.
Italia kishte administruar më shumë se 3 milion doza që nga e mërkura në mëngjes, sipas shifrave të ministrisë së shëndetësisë.
Detyra tjetër kryesore e Draghi do të jetë përmirësimi i gjendjes së keqe ekonomike, me e vështira për vendin që nga Lufta e Dytë Botërore.
