Kryeministri Edi Rama njofoti se vendi do të marrë sasi të reja vaksinash.
“Lajme të mira. Do të kemi sasi të mjaftueshme vaksinash”, u shpreh ai nga Shkodra ku vazhdon procesi i vaksinimit të mësuesve.
“Vaksinat janë me dëshirë dhe jo me detyrim, ndaj është normale të ketë edhe hezitime”, komentoi Rama rastet e disa mësuesve që nuk kanë pranuar të vaksinohet me AstraZeneca pas pezullimit nga 13 vende të BE-së.
Ai shtoi pas përfundimit të 80 vjeçarëve dhe mësuesve do të vazhdojë vaksinimi për personat mbi 60 vjeç.
