Ylli Manjani është emëruar Ministër i Drejtësisë, pak orë pas dorëheqjes së Nasip Naços. Emërimi i Manjanit u zyrtarizua pas takimit në Kryeministri të kryeministrit Rama, kryetarit te LSI-së Ilir Meta dhe Zotit Manjani.
“Zgjedhjen në këtë post e shoh si një vlerësim maksimal dhe sfidë për të vazhduar punën aty ku e la kolegu im Nasip Naço, që ka bërë një punë të jashtëzakonshme,” – tha Zoti Manjani, në një deklaratë për mediat.
Ylli Manjani është nënkryetar i Lëvizjes Socialiste për Integrim dhe që prej vitit 2013, ka mbajtur postin e Zëvendësministrit të Ministrisë së Transportit dhe Infrastrukturës.
