Administrata amerikane e Ushqimit dhe Barnave, FDA po përshpejton përpjekjet për të autorizuar doza shtesë të vaksinave të koronavirusit për personat me sistem imunitar të dobësuar.
Ky vendim prek pacientët e sëmurë me kancer ose me sëmundje të tjera të rënda.
Krahasuar me amerikanët e tjerë, “ka shumë, shumë më tepër një arsye bindëse për ta bërë këtë më shpejt se vonë”, tha Fauci, këshilltari i presidentit për Covid-19.
Përfitimi i vaksinimit të këtyre pacientëve mund të shtrihet përtej këtij grupi. Sipas hulumtimeve të fundit, infeksioni i vazhdueshëm me koronavirus tek njerëzit me imunitet të dëmtuar mund të çojë në variante më të transmetueshme ose virulente. Mbrojtja e këtyre pacientëve mund të ndihmojë në parandalimin e shfaqjes së varianteve.
Nëse të dhënat shkencore nga CDC mbështesin një vendim të tillë, FDA synon të modifikojë autorizimin urgjent të vaksinës së prodhuar nga Moderna, ndoshta që në javën e ardhshme, sipas dy personave me njohuri për diskutimet.
