Presidenti i SHBA-ve Biden nënshkroi një urdhër ekzekutiv të premten për publikimin e dokumenteve të FBI -së për sulmet e 11 shtatorit.
Ai i kërkoi Departamentit të Drejtësisë dhe agjencive të tjera përkatëse që të deklasifikimit këto dokumente.
Familjet e viktimave i kanë thënë presidentit se do të kundërshtojnë praninë e tij në ngjarjet përkujtimore të 20 vjetorit, javën e ardhshme, nëse ai nuk deklasifikon dokumentet që ata besojnë se do të tregojnë se qeveria e Arabisë Saudite mbështeti sulmet.
Urdhri i Biden kërkon që Prokurori i Përgjithshëm Merrick Garland të publikojë dokumentet e deklasifikuara gjatë gjashtë muajve të ardhshëm.
Edhe nëse disa informacione mund të meritojnë mbrojtje të vazhdueshme në interes të sigurisë kombëtare, agjencitë duhet të marrin parasysh “nëse interesi publik në zbulimin e informacionit tejkalon dëmin e sigurisë kombëtare”, sipas urdhrit.
“Ne kurrë nuk duhet të harrojmë dhimbjen e vazhdueshme të familjeve të 2,977 njerëzve të pafajshëm të vrarë gjatë sulmit më të rëndë terrorist në Amerikë”, tha Biden.
