Pas diskutimeve të mbrëmshme deri vonë dhe sot gjatë gjithë ditës, Edi Rama dhe Lulzim Basha kanë arritur një dakordësi, pikat kryesore të së cilës janë:
– Zgjedhjet shtyhen një javë për më 25 qershor 2017
– Mos lejimi në zgjedhje i koalicioneve parazgjedhore, pra të gjitha partitë do të konkurojnë si subjekte elektorale më vete
– Krijimin e një qeverie gjysëm teknike, duke emëruar në postet e mëposhtme persona teknikë me propozimin e opozitës:
– Zëvendës Kryeministër
– Ministri i Brendshëm
– Ministri i Arsimit
– Ministri i Shëndetësisë
– Ministri i Mirëqenies Sociale dhe Rinisë
– Ministri i Financave
– Ministri i Drejtësisë
– Drejtori i OSHEE
– Drejtori i Përgjithshëm i Aluiznit
– Drejtori i Përgjithshëm i Hipotekave
– Drejtori i pergjithshem i Burgjeve
– Drejtori i pergjithshem i Agjensisë së Zhvillimit Bujqësor e Rural
– Kryetari i KQZ do të jetë propozim i opozitës
– Avokati i Popullit do të propozohet nga opozita
– Do të miratohen menjëherë komisionet e vetingut
– Do të kufizohet financimi dhe shpenzimet elektorale në fushatë dhe përmirësimi i kodit elektoral, veçanërisht ashpërsimi i dënimeve për shitblerjen e votës
– Do të zbatohet ligji i dekriminalizimit për të mos lejuar futjen e individëve me të shkuar kriminale
– Palët premtojnë të bashkëpunojnë pas zgjedhjeve për të hartuar:
– reformë kushtetuese
– reformë zgjedhore, përfshi futjen e teknologjisë elektronike
– reformë të sistemit të prokurimit dhe shpenzimeve publike
