Kontrolli i Lartë i Shtetit ka kallëzuar penalisht në prokurori Drejtorin e Spitalit Psikiatrik të Vlorës Kujtim Llapi pasi ka shkakuar një dëm prej 26 milionë lekësh nga janari 2014 deri në shkurt 2017.
KLSH njëkohësiht i ka propozuar ministrit të Shëndetësisë të lajgojë drejtorin nga detyra.
KLSH shpjegon se aktualisht dëmi në buxhetin e shtetit nga kontratat e nënshkruara nga drejtori i spitalit arrijnë në 26 milionë lekë, ndërkohë që dëmi ekonomik i mundshëm në të ardhmen, pra nga vazhdimi i këtyre kontratave shkon deri në 31 milionë lekë.
Drejtori i spitalit Kujtim Llapi akuzohet se gjatë 3 vjetëve ka realizuar procedura me negocim pa shpallje paraprake te kontratës, kur sipas ligit duhet të kishte përdorur procedurat e prokurimit publik.
Po ashtu drejtori ka zhvilluar procedura të prokurimit publik për materiale dhe shërbime që janë kompetencë e ministrisë së Brendshme, ndaj procedurat e prokurimit duhet të kryhen nga kjo e fundit.
Tjetër akuzë ndaj drejtorit është se në disa raste ka zhvilluar procedurat të prokurimit të shërbimeve që llogariten në bazë vjetore, për periudha të gjata kohore, deri në 4 vjet, pa argumentuar arsyet.
Kallëzimi penal nga KLSH vjen pak ditë pas publikimit të raporit të auditit në institucionet shtetërore ku u gjet një dëm prej 590 milionë eurosh në buxhetin e shtetit
