Kryetari i Partisë Demokratike Lulzim Basha mori pjesë sot në një takim me qytetarë dhe Aleancën për Mbrojtjen e Teatrit, në 29 vjetorin e shembjes së bustit të diktatorit Enver Hoxha.
Basha kujtoi qendresën e studentëve të vitin 1991:
“20 shkurti i para 29 viteve është vepra më e pastër dhe e kulluar e guximit të çdo shqiptari.
Mirënjohja i takon të gjithë atyre që 29 vite më parë ndezën brenda shpirtit të tyre shkëndijen e shpresës, flakën e demokracisë e lirisë dhe ndërgjegjes së një kombi.
Me të njëjtën kurajo qytetarët i janë bashkuar artistëve të Aleancës për Mbrojtjen e Teatrit që mborjnë shumë më shumë se një godinë.
19 shkurti ishte natë e ftohtë, e mbaj mend shumë mirë. U gjenda vetëm për pak minuta pranë shtatores së diktatorit Enver Hoxha. Pas lëvizjes së dhjetorit pasiguria po na pushtonte.
A ka populli një shpirt? Po, ka shpirtin e më të guximshmit mes nesh. Ka shpirtin e atij që shpresën e vetë e ndez për të gjithë Shqipërinë.
Kurrë nuk është vonë që të kërkojmë ndjesë e të pendohemi për mëkatet tona dhe t’i kërkojmë Zotit forcë.
Le të betohemi së bashku shpirti dhe trupat do të jenë bashkë deri në realizimin e qëllimit më fisnik që një komb mund të ketë: të sigurojmë liri për fëmijët tanë dhe për Shqipërinë tonë.”
