Për shkak të situatës së krijuar qeveria ka pezulluar pa afat koncesionin e kontrollit shëndetësor falas të popullsisë për moshën 40 – 65 vjeç, i njohur si check-up. Lajmi u njoftua nga Tv Klan. Exit News nuk mund ta konfirmojë lajmin në mënyrë të pavarur.
Koncesioni i Check Up-it u miratua më 2015, me koston 55 milionë euro për 10 vjet.
Qeveria Rama ka dhënë edhe tre koncesione të tjera në shëndetësi me kosto totale rreth 300 milionë euro. Ato janë shërbimi i hemodializës; sterilizmi i paisjeve kirurgjikale dhe shërbimi i laboratorëve spitalor.
