Kancelarja gjermane Angela Merkel nuk është prekur nga koronavirusi.
Lajmi u njoftua nga zëdhënësi i saj Steffen Seibert, i cili u shpreh se testimi i dytë i Merkelit doli negativ.
Merkel u vu në karantinë të dielën, pasi një mjek i cili e kishte vizituar të premten rezultoi i infektuar.
Pavarësisht dy testimeve negative, Merkel do të vazhdojë të punojë nga shtëpia dhe do të kryejë teste të tjera në vazhdimësi.
Aktualisht numri i personave të infektuar në Gjermani është 37323 persona dhe po vazhdon të rritet me shpejtësi. 206 pacientë kanë humbur jetën.
Gjermania ndali në fundjavë grumbullimet e 2 ose më shumë personave në rrugë, kjo si masë për të parandaluar përhapjen e mëtejshme të koronavirusit.
