Dy pacientë të rinj me Covid-19 janë zbuluar në 24 orët e fundit në Elbasan.
Ato janë raste të veçuara dhe pacientët nuk kanë lidhje me njëri-tjetrin.
Një prej tyre është rreth 50 vjeç dhe punon si shofer në një kompani ndërtimi në Tiranë. Ai është izoluar në shtëpi.
Ndërsa tjetra është një 84-vjeçare nga fshati Mengel. Ajo është shtruar në spitalin Infektiv, pasi vuan nga sëmundje të tjera dhe gjendja e saj është më e rënduar.
Që prej 29 prillit, në Elbasan nuk ishte zbuluar asnjë i infektuar i ri me Covid-19. Aktualisht në qytet ka 4 të infektuar aktivë.
