Gjykata ka rrëzuar kërkesën e Redjan Rrajës për lehtësimin e masës së arrestit nga ‘arrest me burg’ në ‘arrest shtëpie’.
Redjan Rraja është i dyshuari i vetëm i arrestuar deri më sot për atentatin ndaj prokurorit Ardian Ndoja, Aleksandër Lahos dhe Andi Malokut.
Prokurori Ndoja u qëllua me armë më 1 nëntor ndërsa udhëtonte me makinë në autostradën Tiranë-Durrës.
Bashkë me të, u qëlluan edhe Aleksandër Laho dhe shoferi i tij, Andi Maloku, i cili vdiq në spital pak ditë më vonë.
Ndryshe nga Maloku, Ndoja dhe Laho, i cili njihet me pseudonimin “Rrumi”, mundën t’i mbijetonin plagëve.
