Kryetarja e LSI-së, Monika Kryemadhi deklaroi se qeveria do të mbahet mend si shkatërruesja më e madhe e kulturës shqiptare.
Në një takim me strukturat e LSI në Malësinë e Madhe, Kryemadhi pohoi se edhe pas 7 viteve në qeverisje, qeveria ende nuk ka marr asnjë hap për të rregjistruar Eposin e Kreshnikëve në UNESCO.
“Ministria e Kulturës dhe qeveria e Rilindjes do të kujtohen si shkatërruesit dhe rrënuesit e Kulturës dhe vlerave materiale e historike të saj. Megjithëse ka kaluar mbi një vit e gjysmë ende asnjë veprim, vetëm fjalë dhe propagandë. Ka shtatë vite në qeverisje dhe nuk ka bërë asnjë veprim për regjistrimin e Eposit të Kreshnikëve në trashëgiminë jo materiale në UNESCO, megjithëse studimi është i plotë dhe ka fituar dhe çmim nga Europa Nostra.”
Kryemadhi deklaroi se opozita e bashkuar do të investojë në ruajtjen e vlerave historike dhe kulturore të Shqipërisë.
