Ambasadori i Italisë, Fabrizio Bucci u takua me përfaqësuesit e institucioneve dhe me përfaqësuesit e partive politike në Elbasan për zgjedhjet e 25 prillit. Ambasadori u shpreh se përplasjet fizike janë të papranueshme:
“Përplasje e ideve dhe planeve janë të pranuara, por ato fizike nuk janë të pranueshme. Përplasja e ideve është në rregull, konfrontimi i tyre sa kohë është i bazuar në fakte, në programe dhe në gjëra konkrete”.
Ai u shpreh se Italia “nuk bënë tifo për asnjë palë, për asnjërën palë. Ne bëjmë tifozllëk për popullin shqiptar dhe për Shqipërinë”.
“Shqipëria meriton një qeveri të zgjedhur nga Shqiptarët dhe që do të zgjedhë problemet e tyre. Që e shtyn Shqipërinë gjithmonë e më shumë përpara dhe e ofron me Bashkimin evropian. Ne japim mbështetje për shqiptarët dhe Shqipërinë”, sqaroi ambasadori Italian.
