Ambasadorja e sapoardhur franceze në vend Elisabeth Barsacq theksoi se Shqipëria ka ende punë për bërë për tu integruar në Bashkimin Europian.
Gjatë një vizite në Elbasan, ambasadorja Barsacq u shpreh:
“Siç e dini mirë ka kushte për të plotësuar, siç janë shteti i së drejtës, lufta kundër korrupsionit janë kushte që s’dua t’i përmend me rradhë sepse janë thënë.
Kjo nuk varet as nga Franca, Kroacia apo Polonia, por nga Shqipëria.”
Ajo theksoi se i ka vënë qëllim vetes që të bëjë çdo gjë në dorën e saj për të ndihmuar vendin drejt BE-së:
“Kur isha në Paris dhe po informohesha i thashë vetes time se do bëj çdo gjë që një ditë Shqipëria të jetë pjesë e BE-së. Por edhe Shqipëria duhet të bëjë detyrën e vetë.
Kjo është detyra që i vura vetes dhe mesazhi që më dhanë si ambasadore ishte ‘shko atje dhe bëj çështë e mundur që Shqipëria të jetë pjesë e BE’.”
