Një infermiere dhe një shitëse u arrestuan nga Policia, për vjedhje të kartave të identitetit dhe përdorimin e tyre për të marrë kredi.
Policia njoftoi të martën se u arrestuan shtetaset E. B., 39 vjeçe dhe O. H., 32 vjeçe, të dyja banuese në Tiranë.
Sipas hetimeve, shtetasja E. B., e punësuar si infermiere në spital, vidhte kartat e identitetit të pacientëve dhe më pas ia jepte shtetases O. H, e cila i përdorte për të marrë kredi për blerjen e pajisjeve elektroshtëpiake.
Më pas këto pajisje i shisnin në bashkëpunim me një shtetas tjetër.
