Një 29 vjeçar shqiptar u arrestua nga policia greke si pjesë e një operacioni ndërkombëtar kundër trafikut të drogës Spanjë -Greqi.
Policia arrestoi edhe një 63 vjeçar grek dhe shpalli tre të tjerë në kërkim. Nga hetimet u gjet se grupi ka trafikuar 122 kilogramë kanabis në portin e Igumenicës.
Përveç drogës, policia sekuestroi dy makina, 970 euro, si dhe 3 telefona celularë. Policia greke bën me dije gjithashtu se përfitimet nga shitja e drogës kapin shifrën e 700 mijë eurove.
Të arrestuarit u dërguan në Prokurorin e Gjykatës së Shkallës së Parë të Athinës.
