Kryeministri i Kosovës Avdullh Hoti lajmëroi të mërkurën se është shëruar nga Covid-19.
Përmes një mesazhi në Facebook, Hoti sqaroi se i është rikthyer punës:
“Pas dy javësh trajtimi mjekësor dhe në izolim, sot u jam kthyer detyrave në zyrë i shëruar plotësisht nga Covid-19.”
Ai i bëri thirrje qytetarëve që të jenë të kujdesshëm, të respektojnë masat anti-Covid pasi virusi është një rrezik real për këdo.
Avdullh Hoti rezultoi i infektuar me Covid-19 në fillim të gushtit.
