Kryetari i PD-së Lulzim Basha i quajti shpifje dhe lojra politike akuzat e Kryeministrit Rama se ai ka ndihmuar në mbledhjen e të dhënave për të ashtuquajturën “Shtëpinë e Verdhë”, në Kukës.
Ai anashkaloi tërësisht këtë çështje dhe i kërkoi llogari Ramës pse nuk ka hapur spitalin Covid-4.
“Edi Rama leri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin”, shkroi Basha në një postim në Twitter, më 9 nentor.
