Lulzim Basha ka reaguar për herë të parë pas shpalljes fitues në zgjedhjet e ditës së dielë ku rikonfirmua në krye të Partisë Demokratike.
Basha ka falenderuar demokratët për mbështetjen dhe zotohet që të bëjë gjithçka që të fitojnë.
“Faleminderit për mbështetjen e jashtëzakonshme! Ajo është një shprehje e qartë e besimit në rrugën tonë drejt ndryshimit. Sëbashku do bëjmë gjithçka që Shqipëria të fitojë”, shkruan Basha në Facebook.
Lulzim Basha fitoi për herë të tretë zgjedhjet në PD ku është kryetar prej vitit 2013. Ai mori rreth 33 mijë vota ose 81% të totalit. Kundërshtari më i afër, Agron Shehaj mori rreth 6 mijë vota.
